توقعاتى لمصر سنة 2050

استعرض الموضوع السابق استعرض الموضوع التالي اذهب الى الأسفل

توقعاتى لمصر سنة 2050

مُساهمة من طرف tito_heart في الجمعة 18 يناير 2008, 7:41 pm

بسم الله الرحمن الرحيم
عارف ان الموضوع طويل شويه بس اقروه لالاخر واتمنا الردود
القاهرة...............عام 2050

حفيدة في سن المراهقة (12 سنوات) تجلس مع جدتها (70 سنة) ويدور بينهما

هذا الحوار:

الحفيدة: تيته ميرو إزيك..بقى لي زمان ما قعدتش معاكي
الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني
الحفيدة: ومابتفتحيش الدش ليه يا تيته
الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!
الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته !
الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا
الحفيدة : أيوه بس مش حاسة إنك مخنوقة وانتي لابساه؟
الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة
الحفيدة : ياه يا تيته.. ده انتوا كان ليكم تقاليد غريبة خالص !
الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق
الحفيدة: معقول يا تيته؟ للدرجة الفظيعة دي!!؟
الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!
الحفيدة : يا خبر .. وإيه كمان ياتيته
الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل!
الحفيدة : وبعدين ياتيته
الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل!
الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة
الجدة: طيب ياحبيبتي روحي
(بعد عدة دقائق)
الحفيدة: هيه يا تيته.. وبعدين
الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!
الحفيدة : 70 مليون بس؟!!
الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟
الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي
الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها !
الحفيدة : ياي! ده انتوا كنتوا متزمتين خالص ياتيته !!!
الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل!
(تمسك الجدة بتليفون محمول في حجم علبة الكبريت)
الحفيدة : ح تكلمي مين يا تيته
الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..
الحفيدة: (تنهض من مكانها) تشاو سي يو تيته!
الجدة: سي يو
وبعد مرور عدة ساعات انتابت الجدة خلالها غيبوبة بسبب الشيخوخة
و في المساء دار هذا الحوار بين الجدة والحفيدة:
الجدة: إنتي كنتي فين يا فتفت؟
الحفيدة :أصل إحنا أخدنا الولد من الحضانة ..
الجدة : ولد !! ولد إيه اللي أخدتوه من الحضانة؟
الحفيدة : آه صحيح أنا نسيت أقول لك .. أصل أنا جبت ولد من سمسم صاحبي
الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!
الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت
الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى
الحفيدة : سميناه (دوت كوم) ..
الجدة : نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟
الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)
الجدة: وأخدتوه من الحضانة وديتوه فين بقى؟
الحفيدة : وديناه النادي الصهيوني بتاع الحي
الجدة : النادي الصهيوني بتاع الحي؟
الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار
الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:
المذيعة : هاي شلة! إليكم عناوين الأخبار
- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان
- واشنطن تتهم ليبيا بتفجير سفينة فضاء فوق كوكب المريخ
- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة
- موافقة مجلس الشعب أخيرا على خصخصة معبد الكرنك
أخبار عربية:
- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل
- سيريلانكا والفلبين تطرد خمسة آلاف خادمة كويتية
- إسرائيل ترفض الإنسحاب من البصرة إلا بعد ضمان أمن مستوطناتها في بغداد
- اشتباكات على الحدود الإسرائيلية المغربية
أخبار الفن
- زفاف المطربة صباح على حفيد الفنان الراحل راغب علامة
- رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية
- الفنان محمد هنيدي يهاجم نجوم الكوميديا الجدد
المذيعة: فينيش باي
الجدة: لأ بقى حسبي الله ونعم الوكيل فيكم فعلا! (يغمى عليها)
الحفيدة : تيته..تيته!!

tito_heart
مستقبلى جديد
 مستقبلى جديد

ذكر
عدد المشاركات : 17
العمر : 31
مزاجى :
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 18/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف c.@.p في السبت 19 يناير 2008, 5:10 pm

و الله الكلام دة لو حصل دي تبقى عيشة ملك وكل حاجة تبقى تمام بس اكيد حتلاقى واحد يرخم عليك و يقولك (حسبي اللة و نعم الوكيل )


(حسبي الله و نعم الوكيل ) دة أنا الى بقول كدة

c.@.p
مستقبلي نشيط
 مستقبلي نشيط

ذكر
عدد المشاركات : 138
العمر : 27
بتشتغل اية؟ : طالب
مزاجى :
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 22/12/2007

بطاقة الشخصية
نقاط التميز: 8
الاوسمه:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف tito_heart في السبت 19 يناير 2008, 11:04 pm

ميرسى يا مان على ردودك بس تخيل ان الحياه زبادى خالص كدا انا نسيت اتوقع حاجه ساعتها ان الجواز يبقا عيب

tito_heart
مستقبلى جديد
 مستقبلى جديد

ذكر
عدد المشاركات : 17
العمر : 31
مزاجى :
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 18/01/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف masrawia في الأحد 09 مارس 2008, 12:50 pm

يالهوي ... كل ده ممكن يحصل
طب ليه توقعت الشر ... ليه مانحلمش انه يبقى احسن .. مع انه غالبا زي ما قلت حلم

نفسي اعرف تيته دي كان شكلها ايه بالظبط في 2002

شكرا يا تيتو

masrawia
مستقبلى جديد
 مستقبلى جديد

انثى
عدد المشاركات : 38
العمر : 28
مزاجى :
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 11/11/2007

بطاقة الشخصية
نقاط التميز: 3
الاوسمه:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف kenoz_200 في الإثنين 24 مارس 2008, 3:10 am

مشكوررررررررررررررررررر











بس الله اعلم ايه الى يحصل

kenoz_200
مستقبلي مميز
 مستقبلي مميز

ذكر
عدد المشاركات : 1169
العمر : 32
بتشتغل اية؟ : متفرغ للمنتدى
مزاجى :
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 01/08/2007

بطاقة الشخصية
نقاط التميز: 3
الاوسمه:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف c.@.p في السبت 05 أبريل 2008, 7:25 pm

و الله يا معلم تقرثيبا كدة الحياة حاتبقى لبن خالص و الدنيا حاتبقى زى الفل و كمان ممكن نلاقي أى حاجة

c.@.p
مستقبلي نشيط
 مستقبلي نشيط

ذكر
عدد المشاركات : 138
العمر : 27
بتشتغل اية؟ : طالب
مزاجى :
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 22/12/2007

بطاقة الشخصية
نقاط التميز: 8
الاوسمه:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف PrinceOfDoom في الأحد 06 أبريل 2008, 1:13 am

شكرا على الموضوع بس الكلام صعب جدا أن يحصل لان لسه فى ناس كتير عندهم أخلاق وممكن تتأكد من المارنه بين الاحوال سنه 60 مثلا ولاحوال دلوقتى هتلاقى إن الموضه بتاعت السوالف والمينى جيب وغيرها خلص والحمد لله بس من ناحيه الغلا والفقر تزداد بستمرار من سنة 80وأنتا طالع

PrinceOfDoom
مستقبلي مميز
 مستقبلي مميز

ذكر
عدد المشاركات : 1042
العمر : 26
مزاجى :
نشاطى :
60 / 10060 / 100

السٌّمعَة : 0
نقاط : 0
تاريخ التسجيل : 20/10/2007

بطاقة الشخصية
نقاط التميز: 3
الاوسمه:

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف Smile For Me في السبت 26 أبريل 2008, 10:51 pm

ده الحياه ساعتها هتبقي هيصه


بس يعتبر دلوقتي احسن

Smile For Me
مشرف على جميع المنتديات
 مشرف على جميع المنتديات

ذكر
عدد المشاركات : 3000
العمر : 26
مزاجى :
نشاطى :
60 / 10060 / 100

السٌّمعَة : -1
نقاط : 3
تاريخ التسجيل : 22/12/2007

بطاقة الشخصية
نقاط التميز: 40
الاوسمه: مشرف مميز مشرف مميز

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف nagy في الأربعاء 14 مايو 2008, 9:51 am

بصراحة فبل الموضوع دة انا كنت بفكر فى الانتحار بس بعد ما قرأت الموضوع دى الحمد للة انا كدة مش هفكر الا ان ازاى أعيش احلى حياة من نظرك احلى حياة وميرسى اوووووى

nagy
مستقبلي نشيط
 مستقبلي نشيط

عدد المشاركات : 128
مزاجى :
نشاطى :
0 / 1000 / 100

السٌّمعَة : 0
نقاط : 0
تاريخ التسجيل : 03/05/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: توقعاتى لمصر سنة 2050

مُساهمة من طرف MR.mando في الجمعة 16 مايو 2008, 4:14 pm

بسم الله ماشاء الله كلكم مستنين سنه 2050 بفارغ الصبر ههههههههههههههه
حسبي الله ونعمه الوكيل
حسبي الله ونعمه الوكيل

-----------------------------------------------------

MR.mando
General Manager
General Manager

ذكر
عدد المشاركات : 3896
العمر : 31
بتشتغل اية؟ : ملكش دعوة
مزاجى :
نشاطى :
100 / 100100 / 100

السٌّمعَة : 0
نقاط : 89
تاريخ التسجيل : 17/11/2007

بطاقة الشخصية
نقاط التميز: 100
الاوسمه: .::اداره المنتدى::. .::اداره المنتدى::.

معاينة صفحة البيانات الشخصي للعضو http://www.malware-site.www

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى