احدث واغرب طرق للغش (( كنت بعملها زمان ))هههههههههههههههههه

استعرض الموضوع السابق استعرض الموضوع التالي اذهب الى الأسفل

احدث واغرب طرق للغش (( كنت بعملها زمان ))هههههههههههههههههه

مُساهمة من طرف هنا في الإثنين 03 سبتمبر 2007, 8:26 pm

والله يا جماعه الموضوع ده اطلب كتير اوى منى
لانى كنت استاذه فى الغش ايام ثانوى والجامعه
فقررت انزل اغلب الطرق علان تستفيدو بس

اولا :
سماتك وانت بتغش

1\ لازم تكون حذر ولاكن بذكاء مش تفضل تبص للمراقب كل شويه كده بتقوله انا بغش وانت مش شايفنى
لا افضل وشك فى الورقه واكتب اكتب سواء من ملخص للماده او من على الدسك او من ايدك وهنقول الطرق كلها
وتبص من طرف عينك من غير ما ترفع وشك ولو شفت خياله ظبط نفسك يا جميل وشيل الى معاك


2\ياريت ده يبقى مش فى اخر الوقت زى ما زامن كانوا بيقولوا
بالعكس اكتشفت ان بعد نص ساعه اللجنه دايما هادىوابتدى اللى قدامك خصوصا لو انت تانى لجنه يراقب عليها يعنى كان قبلك فرقه بتمتحن تركيزه يقل والطلبه مندمجه فى الحل فانت زى الشطر فى السريع وانجز قبل ما نص الوقت يجى وكله هيبقى سبهلله وعاوز يغش

3\دى بقى للبناااااااااااااااااااااااااااات
ادلعى عليه وربنا بيموتوا فى الدلع وخديه على مشموا كده متخليهوش يفكر فى حاجه يعنى عاوزة حاجه ممكن المراقب يجبهالك ووالله العظيم 3 حصلتلى وجابلى الاجابه ورجعته لما مش طلعت هى وجابلى اللى عاوزاه من اصحابى
يعنى قوليلوا مثلا انا عاوزة سؤال كذا بدلع ووالله مش فاضل الا هو هكتبه وهمشى يرضيك افضل قاعده على سؤال وقبل ما يفكر قوليله اهو دول صحابى لو قلتلهم هيدوك بسرعه ومحدش هياخد باله بس مش تختارى واحد كشرى ومنكد على اللجنه[/color]

[color="#483D8B"]4\ بصى بقى دى للدكاترة لو عندك 2 دكاترة واحد خام ومدهول والتانى يعنى اهو بيحس انه عنتر زمانه وهو مش ليه فى حاجه بس شايف انه احسن من التانى ومدردح عنه والتانى ملوش فى حاجه تعالى للتانى الخام ده وابتدى بقى اول ما يجيلك يعدى من جنبك سيبى القلم محبكش وبصى فى عينه واتسهوكى قال يعنى مش قادرة تكتبى وهو معدى وكررى كدا
واتنحنحى وتعالى فى مرة اساليه سؤال اهبل ملوش لازمه ودى شروط السؤال الهبل علشان يفهم انها حجه عشلان تسمعى صوته اولا ده انسييييييييييييييييه هيعديلك اللجنه كلها بس مش تعملى الحاجه وتبقى بجحه قال يعنى مش قصدك والتانى الدردح هيحاول يخليكى تبصيله نظريه الوحشه والحلوة ماهو متعود البنات تبصله والتانى لا ليه دى مشكده فيحاول يعديلك انك بتتكلمى كاتبه على الدسك

5\تيجى بقى للى فى الجامعه تقولى ازاى اكل المراقب بصوا فى حاجه اسمها قوانين جامعه وهو ملوش حقوق كتير هو بيمارسها يعنى كل واحد مختص بلجنته ملوش دعوه بجلنه اللى جنبه وخصوصا لو لسه ورق الامتحان متسلمش يجى يقولك بص قدامك ولا الموبايل اقفله فاتحه ليه هب فيه وكله قبل ما يكلك قوله انا معملتش حاجه وثايا الورق متسلمش والموبايل انا بسيبه كده على طول بعرف الساعه وعمر ماحد قالى اقفله وثالثا انا المراقب اللى عليا متكلمش وحضرتك انا مش عملت حاجه لما اعمل اتكلم انما طول ما انا صح ملكش الحق فى الكلام
هيتكتم وده يبقى بصيغه العين والحاجب يعنى معملتش حاجه وواثق من نفسى



طولنا فى الشروط ندخل فى الطرق

1\
قلت طريقه منهم للاخت مياده وهى طريقه القلم الفرنساوى وهنعيدها ليكم تانى
بصى يا قمر هاتى قلم فرنساوى ابيض
وهاتى ابرة وقلم رصاص
وتعملى ايه دخلى الابرة
فى القلم القلم الرصاص من ورا فى الدايرة اللى بتبقى السن لما تتبرى
علشان الابرة تاخد لون الرصاص
وامسكى الابرة وهاتى القلم الفرنساوى المضلع واكتبى اللى عاوزاه
دى بقى علشان تعرفى تشوفيه تحركيه فى وش النور
هاتشوفى اللى كاتباه ولو اتمسكتى اديه للمراقب وضللى حواليه بحيث ميشوفش الكتابه بتظهر فى النور بس


2\
وندخل فى تانى طريقه كلنا دايما بنكتب على ايدنا بس مش بنعرف نتخلص منه لما بنتمسك
عندى الحل مش اريال ولا تايد
لما تيجى تكتب خزت كل اللى هتكتبه فى ورقه وقبل ما تدخل لجنتك اكتبه على ايدك
وده علشان الجاف ما يكنش ثبت على ايدك ومنعرفش نمسحه ونزيل اثره كله
ويمون فى ايدك التانيه منديل غرقان كريم بشرة اى نوع انشالله تجيه مخصوص لكده
ولما تيجى تتمسك يا حلو مش محتاجه حاجه فى الخباثه محدش هيقولك ماسك منديل ليه اقلب المنديل على الوش اللى فى كريم وادعكه فى ايدك رايح جاى لحد ما يقولك ورينى ايدك هتنقل المنديل المطبق للايد التانيه وتوريله الايد المغسوله النضيفه
ومش كده وبس لوقالك هات المنديل هيلاقى الكريم واصلا الكريم ضد الجاف بيزحلقه ازاى هكتب عليه او قبله هيتمسح


3\
ودى مباشرة وبتبقى فى الغلب للبنات ومحتاجه حرص وذكاء اوى علشان البنات هما اللى بيدخله بشنطه ايدهم من غير تفتيش بصى يا قمر اكيد شنطتك بيت جحا من جوا برفان وقلم روج وموبايل ومفاتيح ومناديل وملزمه
ودى الاهم حضرتك الشنطه كبيرة مش رايحه تحضرى حفله سواريه وواخده بورتوفيه معاكى لا ده امتحان تاخدى المنهج كله والملزمه تبقى مقسومه من النص متنيه وتخلى التانيه لفوق يعنى يكون طرف الورق لوشك مش النص بتاع الملزمه
وفى وسط الامتحان تقومى حضرتك طبعا الملزمه اتفتحت وشفتى شكلها فهتعرفى السؤال فين او فى انهى جزء فيها فى السريع وزمن قياسى حضرتك كانك بتاخدى منديل والملزمه تبصى بصه بس بصى على حواليكى الاول قبل اى حاجه علشان الجو بس وتاخدى اللى عاوزاه وممكن فى السريع ومع زحمه العيال والصوت فى الغش تبصى مرتين و3


4\ والله عملتها فى ثانوى
وبدلت الورق الاسئله وفيه الاجابات ودى يتطلب وجودك جنب الحيط والتظبيط مع اللى قدامك او وراكى شاطررررررررررررررررررررر يعنى مقفل كله وتقوله فى خباثه اكتب الاجابه فى ورقه الاسئله وانا كمان وهنبدل ووقت التسليم حضرتك تبص فى خبث على من حولك وترمى الور فى نفس الوقت على جنب وواحد يوطى ياخد ورقه التانى والتانى يستنى 3 دقايق ويوقع القلم وينزل ياخد التانيه ولو المراقب عدى لقى الورقه واقعه هيقولك ورقتك وقعت يابنى هاتها ماهو مش فاهم ان ده سر النجاح والعوده كذلك


5\ بقى
ودى للثانوى مالها التواليتات
بصوا الملزمه تبقى متظبطه فى الهدوم من البيت ومشبوكه 100000000000 شبكه علشان متقعش مع الحركه
وفى وسط اللجنه لما اعرف عاوزة ايه اقول ممكن راوح التواليت وطبعا لازم يبعتوا حد معاك وانت بتدخل لوحدك
مش بيدخل معاك فى اسرع من البرق ومع عدم اصدار صوت الورق تبص على اللى عاوزة وتحفظه ولو ملحقتش عوضها الماده اللى بعدها وابقى اتدرب كويس فى البيت
ههههههههههههه


6 \الكتابه على الدسك متخترش ديسك نضيف بالعكس خليه ماله المعفن الزباله
ده احخسن كله كاتب عليه وانا كتابتى هتضيع فى الوسط واكتب اللى عاوزة وحاول يبقى فى مكان انت مش بتكتب فيه علشان اللى بيتمسكوا بكده بيتمسكوا علشان بيحركوا مكان الورقه عن الطبيعى فالمراقب بيشك انما لو عادى مش هيعمل حاجه وعينك مش تلزق سريع سريع علشان الشك وحش اوى منهم


7\ ملخصات الورق
بصوا انتوا ليه بتعملوا ورقه بتبقى كبيرة بصوا هاتوا ورقه فلوسكاب وتاخدوا طرفها من فوق والكتابه تبقى بالطول
علشان تطلع حته حته والورقه متكونش طويله مش ناقصين شك


8\ الصوت مش جعوره مفتوحه لا بصوت هادى جدا جدا ولا كانك بتعمل حاجه ملاك يا ناس
والتناحه سر النجاح تنح وانت بتطلب الحاجه فى عيال رذله مبترداش تدى او بتبقى خايفه اللى مش راضى مفيش حل ليه الا السرقه واختلس اسعد الاجابات من ورقته بدون ان يشعر ومن غير شب وحياه ابوكم
انما التانى تنح وشجعه قوله لو مش عارف هات الورقه كده واخد اللى عاوزة ولو مش عارف اخرس ومتتكلمش خلينى اشوف من حد تانى


9\ الهدوم
حلوة اوى البلوزات بتاعه البنات اللى طبقتين زى السكر وخصوصا لما اللى فوق مغطيه على اللى تحت
يعنى اللى تحت بطانه بس عز الطلب اكتبى اللى عاوزاه عليها تغور البلوزة بس المهم انا
ولواتقفشتى الموضوع ده موصلهمش الا لو حد شاف موضوعى ده هيقولك ورينى ايدك رجلك انما البطانه لسه جديده


يااااااااااااااه تعبت والله
لسه فى تانى بس كفايه كده عليكو ونكمل مرة تانيه فى درس تانى
بس ياريت تستفادوا
ولو حد اتمسك العيب منه مش منى انا 23_11_62[1].gif
والله كل ده عملته ومر عليه عادى جدا
ولا الهوا ونجحت وخلصت ومقولتش حاجه فبركه انا قلت حاجات مضمونه ومتجربه



واهدى التوبك ده لحبيبه قلبى اللى بحبها اوى

واللى علمتنى ازاى اغش فى امتحان واتعامل ازاى ف الموقف ده

ونص اللى هنا خبرتها ربنا ميحرمنيش منك يا احلى واغلى ام فى الدنيا يا مامتى يا حبيه قلبى


هنا
مستقبلى جديد
 مستقبلى جديد

انثى
عدد المشاركات : 69
العمر : 22
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 30/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احدث واغرب طرق للغش (( كنت بعملها زمان ))هههههههههههههههههه

مُساهمة من طرف 70MS في الأربعاء 03 أكتوبر 2007, 12:35 am

ههههههههههههههههههههههههه
مشكوووووور كتير كده مصر كلها هتغش من بكره
تسلم ايدك يا قمرايا

70MS
مستقبلى جديد
 مستقبلى جديد

ذكر
عدد المشاركات : 43
العمر : 31
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 02/10/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احدث واغرب طرق للغش (( كنت بعملها زمان ))هههههههههههههههههه

مُساهمة من طرف هنا في الجمعة 19 أكتوبر 2007, 7:01 pm

تسلم على ردك يا جميل

هنا
مستقبلى جديد
 مستقبلى جديد

انثى
عدد المشاركات : 69
العمر : 22
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 30/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احدث واغرب طرق للغش (( كنت بعملها زمان ))هههههههههههههههههه

مُساهمة من طرف totaa2 في الجمعة 16 نوفمبر 2007, 5:36 am

اية كل دة يا هنا
دنتى استاذة
بجد


تسلمى على تعبك فى الكتابة
على فكرة انتى دمك زى العسل
طريقة شرحك دمها شربات


totaa2
مستقبلى جديد
 مستقبلى جديد

انثى
عدد المشاركات : 61
العمر : 28
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 15/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احدث واغرب طرق للغش (( كنت بعملها زمان ))هههههههههههههههههه

مُساهمة من طرف poptop2010 في الأحد 18 نوفمبر 2007, 11:46 am

لسه بارضو تلميذة كل ديه طرق قديمه طحن اللى عايز طرق ناااااااااااااار يكلمنى وانا انشاء الله هعملكو موضوع ناااااااااااااااااااااار

poptop2010
مستقبلى جديد
 مستقبلى جديد

ذكر
عدد المشاركات : 28
العمر : 30
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 16/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احدث واغرب طرق للغش (( كنت بعملها زمان ))هههههههههههههههههه

مُساهمة من طرف هنا في الأحد 09 ديسمبر 2007, 4:41 pm

طب ليه الرد دا

مفيش كلمه شكر يا POPTOP2010 متشكريييييييييييييييييين على كل اللى ردو فى الموضوع

هنا
مستقبلى جديد
 مستقبلى جديد

انثى
عدد المشاركات : 69
العمر : 22
نشاطى :
50 / 10050 / 100

السٌّمعَة : 0
نقاط : 0
تاريخ التسجيل : 30/08/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: احدث واغرب طرق للغش (( كنت بعملها زمان ))هههههههههههههههههه

مُساهمة من طرف ميدو في الإثنين 14 يناير 2008, 2:44 pm


هههههههههههههههههه
بجد طرق جميله منك نستفيد يا هنا

ميدو
مستقبلي مميز
 مستقبلي مميز

ذكر
عدد المشاركات : 875
العمر : 23
بتشتغل اية؟ : وانــت مــا لـك!!!
مزاجى :
نشاطى :
100 / 100100 / 100

السٌّمعَة : 0
نقاط : 0
تاريخ التسجيل : 22/07/2007

بطاقة الشخصية
نقاط التميز: 100
الاوسمه: وسام النشاط وسام النشاط

معاينة صفحة البيانات الشخصي للعضو http://WWW.FUTURE.DO-GOO.COM

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى